( شهادة حق أُسجلها للتاريخ )
زينات القليوبي
***

علي الجيوش العربية الرابضة
( دون حِراك )
وعلي الشعوب العربية المُصابة
( بالشلل والخرس )
…
وعلي الأقــــــــــــلام المُبدعة
أن ( تنحني ) إحترامـــــاً وإكبــــــــاراً وإجـــــلالاً 
لشجاعــــــــــــة وبُطولـــــــــــة
( واحــــــــــد وخمسيـــــــن طبيــــــــب مصـــــــــري )
عبروا ( معبر رفح ) للمساهمة ( بعلمهم ) في إنقاذ
( شعـــب وأطفـــــــال غــــــــزّة )
علي ( مسئوليتهم الشخصية ) دون أدني إلتزام ( تجاههم ) من
( الحكومة المصرية ) ؟!!!
 في
( فدائية )
يُسجلها التاريـــــــــــــخ بأسمائهـــــــــم  
و( صحوة )
رَفعت من جديد
( لواء الشرف والأمانة )
و( مُبادرة فعّاله )  .. ( بخطوة حقيقية )
علي طريق
( إسقاط العـَــــــــــــــــار العربي  )
تـُحسب
للشعوب العربية
( كافة )
وللشعب المصري
( خاصة )
*******************************
رسالة من طبيب ( مصري ) في طريقه إلي ( غزّة )
****
لمّا تصحِي وتناديني
لاجل أصلي معاكي
فجرك ..
ماتلاقيش مني
جواب ؟!
حاولي ياامّه تُعذريني
واعرفي ياامّه .. إني
فاكرك
مهما حايطـــــــــــول
الغياب ؟!
…
ع المخدّه .. فوق
سريرك
راح تلاقي هناك
جواب
صحّي أخويا .. يقراهولك
فيه بااقولك ..
ع الحقيقة
ليه سافرت .. ف نــُــص
ليلي
ليه بااطير يمّ  .. الحريقه ؟!
ليه بقيت بالصبر
كافر ؟!
ليه عبرت من
( المعابر ) ؟؟؟
ليه ( مضيت ) علي
مسئوليتي
إني ( شخص ) مالُهش
( ديّه ) ؟!!
وإني راضي .. مهما يحصل
إن روحي .. تروح
ضحيه ؟!
…
ع ( الجزيرة ) شُفت
ياامّه
( غزّة ) واقفه .. ف نار
قويّه
الصّهاينه ولعوها ..
دمروها
والعيال .. قدامها
ماتوا ؟!!
واليهود .. ع الجثه
فاتوا
وف إيديها ( حفيد )
بيصرخ
من قنابل ( فسفوريّه ) !!!
وإلتقيت النار ف جسمي
غصب عني .. والعـــــــه
فيّ
قولي حاابقي إزاي
( طبيب )
لو أنا ( عنه ) أغيب ؟!!
ولا يبقي فين ( ضميري )
لو أنا ..
( بعت القضيه ) ؟!!
…
خدت ( شنطة ) إسعافاتي
سِبت أولادي ..
ومراتي
مش مهم تهون
حياتي
المُهم .. ألحق
( حفيد )
جي ..
( بالفجرالجديد  )
…
( غــــــــزّة جِدّه )
مات .. ضناهــــا …
( باانقـــذك ياامّه )
معاها !!
أصلي ( شُفتك ) ياامّه
فيها ؟!
طيرت أقدم .. روحي
ليها …
…
لو قالولك ( عني )
مات …
قومي ياامّه .. من
سُكات
واحضني .. بِدالي
ولادي
واحرُسيهم م الأعادي
أصلهم ( زاحفين )
عليكي
شيلي دمعك من
عنيكي
( خلي أخويا يشيل سلاحه )
اللي ( صدّي )
ع الحيطان
واللي متعلق ( كذكري )
من زمان !!
حضّريله
( البُندقيه )
علّميه ياامّه
( النِيشان )
وازرعي فيه الرُجوله
والشجاعه والبُطولـــه
خلّي ( أخويا ) يحس
بيّ
يحمي ( أيامي ) اللي
(راحوا ) ؟!
يحمي ( أيامه ) اللي
( جيّه ) …
( حمّليه المسئولية )
لاجل ياامّه
( يصون ولادي )
…
وآما يسأل ( إبني )
عني
طمّنيه ياامّه ..
عليّ
قولي إني .. كنت
راجل
كنت آد المسئوليه
قولي كنت ..
( طبيب فدائي )
ضحي لاجل
( الإنسانيه )
…
بس داري عنُه ياامّه
حاجه واحده .. حزّه
فيّ ؟!
إوعي ياامّه .. تقولي
لإبني