ياساكنـــــــــــــه كل .. أوجاعي
ومالكه حــــــــــــرف .. إبداعي
أقولك إيـــــــه .. يانسيانـــــــــي
وقولي خــلاص .. مالوش داعي

خادوكي من إيديّ .. الجــــــــوز
راموكي جوّه .. حضن .. عجوز
وبات هوّه .. اللي .. خيالــك!!!
وخيالك .. بقي .. أراجــــــــــوز

بيتنطط قصـــــــــــــــاد .. عينك
ماشاف دمعه .. ف درا .. عينـك
بيرجف تحت .. شبّاكــــــــــــــك
وغيره .. بين .. دراعينــــــــــك

غرقتي ف ذل .. أحضانـــــــــه
وهادي .. بيكي .. أعوانــــــــــه
وأبات غرقان علي حـــــــــدوك
مابين قلبي .. وأحزانــــــــــــــه

أقلّب فيه .. مفيش .. دقــــــه ؟!
وتنزل دمعتي .. حرقــــــــــــــه
أقول باعت .. يقول جايـــــــــــز
أقول خانت .. يقــــــــــول .. لأه

عبيط قلبي .. وأنا .. أعبــــــــط
مابين جرحك .. بيتخبــــــــــــط
ولو منك .. لمح .. بسمــــــــــه
يقوم يرقص .. ويتنطـــــــــــــط

لا جاملك يوم ولا .. نافـــــــــــق
وعاشلك ع الدوام .. عاشـــــــــق
بينزف تحـت .. أقدامــــــــــــــك
وسايبه الغدر فيه .. راشــــــــــق

لا عاتبك يوم .. ولا يقـــــــــــدر
وسابك تبعدي .. أكتــــــــــــــــر
وكل آما المسافــة تطــــــــــــول
يقوم يلقي الـــــــــــدراع أقصــر

ياحلم ماعدش .. يتفســــــــــــر
حاجات بنـّا .. بتتكســـــــــــــــر
لانا نصراني .. رايح .. أسلــــم
ولامسلم .. وحا استنصــــــــــر

أنا المشطوب .. ف كراســــــك
أنا الميت .. ف إحساســــــــــك
أنا المرمي .. ف دوامتــــــــــك
بقيت كافـــــــر .. بإخلاصـــــك

أنا إبن الضياع فيــــــــــــــــكي
أنا المقتول فدا عنيكــــــــــــــي
ولما تعطشي .. دمـــــــــــــــي
أوام يجري .. ويرويكـــــــــــي

أنا أبن الحلال .. والصــــــبـــر
فحتيلي .. ف ضميرك .. قبــــر
بقيت ميــــت وأنا عايــــــــــــش
وعاش إبن الحـــرام ف القصـــر

أنا الحـــرف اللي كله همـــــــوم
أنا البانــي .. بقيت .. مهـــــدوم
أنا السهـــران علي راحتـــــــــك
عشان عينك تــــروح ف النــــوم

أنا الواقــع مابين فخيــــــــــــــن
وطحنانــي يسار ويميــــــــــــــن
رفضت أرقـص علي السلــــــــم
رفضت ألعـب علي الحلبيــــــــن

لانا تاجـــــــــــــر بإســــــم الدين
ولا بيعتك لنـــاس تانيـــــــــــــــن
ورغم ده كله.. نكـــــــــــــــراني
وخايفة .. تنطقي .. أنا ميــن ؟!!
…

زينات القليوبي