من ديوان
( مهرجان القلق )
***
عرش البطاطــــــــــا .. السبب !!!
***
زام الأسد تخويف .. كسرلي
أنيابي !
أنياب سنين الشقا .. المغروسين ..
فيّ !
فيّ .. نهار إتنهب .. والليل صبح ..
حالي !
وحلال عليك يا أسد .. ( إبني ) اللي فاض ..
مني
منـّاني يوم العشم .. طلع العشم
إبليس ؟!!
آبلس لي .. وسمعت له .. نزل .. ف ودني
عض !!
والبعض مني طهـق .. والبعض خاف
وافق ؟!!
وافق .. وباصم آوي .. قلبي اللي كان
آهبل ؟!!
هبّلت .. لمّــا إنطفي .. مصباحي
بإيديّ ؟!!
وإيدين وحوش الزمن .. سرقت مصير
إبني
وإبني يابني بقي ..ع الميه
آحلامك ؟!!!
آحلامك اللي أختفت .. من بكره
ف عيونك ؟!!
عيونك اللي أتعمت.. م الكحــل
بترابها …
وتُرابها .. زادات آوي .. والحي ..
سا كنها !
سُكانها كانم جثث .. والتُربي
صدرهم !
صدرين .. وفخد .. وقدم .. لكل .. طالب ..
لحم !
لحم الفقير أتنهب .. ف حياته
وف موته !
مـُوتنا قرار أتحسم .. عند اللي
فرّقها
فرقها جمله وحتت.. ع اللي ماهوش
منها ؟
منها .. دا كان ( إبنها ) .. دلوقت
متبـري
آتبري .. لمّا لمح .. ظالم .. نهـــب
خيره ..
خيره اللي لمّا إتفني .. ضاع الضمير ..
والصبر !
( صابر ) .. دا إسم قديم .. مابقاش علي
الموضه ..
والموضه ف العولمه .. إنه يكون
( تـوتــو ) !!!
والتوت .. دا كان فاكهته .. والضلـّه ..
ف عروشه !!
عرش البطاطـــــا السبب .. خلي الحـرام ..
بيحـــــــــــــل !!!
وأتحل طوق الولد .. وضفاير
الشبّه !!!
والشبّه .. وسط البخـور .. بتدل ع
الحاسد !!
حسدوها ياما الجيران .. ع العزوة ..
واللمّه
لمّا ولادها زماااااااااااااان .. عشقوها ..
وفدوها
فداها جدي زمااااااااااااان .. وآبويا
وإخواتي
وآخواتي .. جابوا عيــــال .. لعب الشيطان
بيهم
بيهمّ .. يضحك لهـــــــــم .. ويهمّ ..
يفنيهــــــــم !
يفني اللي كان ملكهـــــــم .. ويبعزق ..
الحاضــــر
حاضر وغايب .. أنــــا .. خمسين سنه ..
وأكتر ؟!!
كترت عليّ .. الهمـــوم .. مابقتش
بااحسبها ؟!!
وحسابي .. عندك تقـل .. لمّا إتفقـــــر
قلبي ؟!!
قلبك عليّ .. قسي .. من غير سبب ..
معقول ؟!
معقول .. يكون حـُبنا .. قالل عن
الأول ؟!!!
أول .. غرامنا زمااااااااان .. كان إسمنا ..
عاشقين !!
والعشق .. يعني الهـوا .. راحل هوانا
لفين ؟؟؟
فينك .. ياقلب إنطلـــق .. ف العشق من
يومــه ..
يوم الحبايب .. سنــــه .. ف العشق ..
والهجـــران
هجراني ليه .. ياسما .. كنت القمر
فيهــــــــا ؟!!!
فيها إيه .. لو أنت وانــا .. ننسي اللي كان ..
كله؟!
كلك .. تعودي آوام .. كلي .. يعود
ليكـــي
ليكي كتير .. فيّ .. مـــدي الإيدين
وخـُديه ..
واخد .. علي ضحكتك .. ماتكشريش
تاني..
تاني .. يعود الدفـــــا .. قلبي الشقي
عطشـــــان
عطش السنين كلهـــا .. نفسه .. ف ضمّة
شـوق
شُقي السنين وأدخلي .. ضُمي اللي فاض ..
منّي
مـُني عيني .. لو ترجعي .. وآرجع
لآحضــــانك
آحضاني .. بردت آوي .. مُشتاقه ..
حنيّـه ..
حنّي عليّ .. بقي .. تعبت
م المجهول
مجهوله يادنيتي .. وحبيبتي مش
جنبي؟!!
جنبك أنا .. باانجلي .. وبيتفرد
عودي
عودي .. آمانه بقي .. .. قبــــل الآوان
مايفــــــــوت
فاتت عليّ سنين .. وأنا .. باانتظر
تيجي
تيجي بينا .. ننسي الشقا .. ونبتدي
إمبارح !!!
***

زينات القليوبي