الجيـــش ؟!
الجيــــــش !!
معقوله ! حقيقي ! خلاص
( الجيـــــــــــــــش ) !!
إزاي ؟!!!

دانا لسّه ( إمبارح ) كنت البت
بتاعة الواد اللي ..
ماخدنيش !!!
الواد الحلو المتدلّع أبو شعر
كانيــــش !!!
…
الله ع البسمــــه اللي
بتسحر
والكلمه الحلــوه اللي
بتسكر
واحنا .. بنتمشي علي
الكورنيش !!!
…
والشمس بتغرب …
قدامي
حسيت .. البــــــرد
ف
أحلامي
وساعتها لقيتـــه بصـــــــــوت
مخنوووووق
بيقوللي : ( يازينه ) حااروح
الجيش ؟!!
…
واهو … راااااااااااااااااااح
من يومها ..
مارجعليش !!!

واخدت ( الـــــواد ) اللي
( ماخدنيش ) ؟!
غير بس عشــــان .. أديله
حناااااااااااااان
مع انه .. بياخــــــــــــــد
مابيديش !!!
…
وأكــــــــرّ ……… ولاد
ووراها ……..
آحفاااااااااااااااد

( واستشهـــــد ) .. لاجل
الكل …
يعيش !!!
…
معقوله ؟!!!
معقوله الواد ( أشرف ) جاني
بقوللي :
(( ياتيتـــــــــــــا )) خدوني
(( الجيش )) !!!
…
إزاي !!!
دانا لسّه (( إمبارح )) كنت
البت .. بتاعة
الـــواد
اللي ..
ماخدنيش !!!
***