السعادة !!!
يالها .. من كلمة .. بسيطة .. لمعني كبييير
يراه كل إنسان بمفهوم .. قد يختلف ..
تمام الإختلاف عن .. رؤية الآخر .. له ؟!!!
وقلّ .. أن يتفق .. حتي ( التوأمان ) !!
علي مفهوم ( واحد ) لهذا المعني ؟؟؟
وأسمحوا لي كدارسة ..
وكاتبة .. للسيناريو والحوار ..
أن ألعب معكم .. لعبة ( السعادة ) .. ؟!!!
مارأيكم .. أن نذهب معاً ..
في رحلة .. نستكشف فيها .. ( بعضاً ) من
( ألوان السعادة ) ؟!!.
ـــــــــــــــــــــــــــــــــــــــــــــــ
دعونا .. نتخيل
تُري ماذا سيحدث .. لو أننا طرقنا باب ..
إحدي ( السرايات ) التي يمتلكها ..
أحد آثرياء الإنفتاح
(السابق ) .. أو( الفساد ) الحالي ؟!!!
وسألنا كل من فيها عن ( السعادة ) ..
تري ماهي الإجابات المتوقعة من
كل شخص يعيش داخل هذه السرايا ؟؟؟
مارأيكم .. لو توقعنا نحن الإجابات .. ؟!!!
فمثلاً
ـــــــــــــــــــــــــــــــــــــــــــــــــ
سيعطينا ( البواب ) إجابة .. ( قد تكون ) : ـــ
*************************
سعادتي إني إن شاء الله لما أقبض الشهرية ..
الباشا الكبير) يرضــي )
عليّ ويوافق ..
( بحكم أن البشاوات عادوا أكثر تورما وتضخما )
إني أسافر البلد يومين .. أشوف فيهم ..
أمـي والعيال ومراتي ..(بهذا الترتيب) ..
وأقعد علي الطبلية .. و( كلهـــم حواليّ ) ..
أكل (فطيرة سخنه) من ( إيد أمي ) ربنا يخليها
ومايحرمنا منهـا أبدا
وجنبها .. حتة جبنة قديمة .. وبصلتين ..
وعودين جرجير .. وقرنيـــن فلفل حراق ؟!!
يعني أهي تبقي ( لقمة هنية ) في وسط العيال
اللي وحشوووووي ..
آمال .. ياسلام ياعالم .. هوّه في ف الدنيا ..
سعادة ( أكتر من كده )؟!
دا حتي الواحد يبقي ( بطران بالنعمة ) .. والعياذ بالله ؟؟؟
ـــــــــــــــــــــــــــــــــــــــــــــــــ
وإذا سألنا ( السائق ) .. فلعله يقول : ــ
**********************
والله أنا سعادتي أن (الولاد يخلصوا تعليمهم ) ..
وإن ربنا .. يقدرنــي
( أحوش قرشين ..( أدفعهم (مقدم) لتاكسي أشتغل عليه وأســــدد
(آقساطه ) وف الآخر يبقي) ملكي )..
وكفايا بقي شغل عند النـاس ..
أنا حاسس .. إني كبرت ع البهدلة ..
ونفسي أرتاح من المشاويــــر اللي
مابتخلصش ؟؟؟
ـــــــــــــــــــــــــــــــــــــــــــــــــ
وإذا سألنا ( الطباخ ) فمن المتوقع .. أن يقول :ــ
*************************
بصراحة كده .. أنا سعادتي بتبقي كبيرة آوي آوي ..
وأنا مروّح ..
)شايل للعيال الأكل اللي فايض من العزومات)
اللي بتتعمل كل يوم في السرايا .. للناس الآكابر
وطبعا .. كل يوم أكل جديد وطاااااااازة ..
بس ( بيني وبينك (..
( الهانم ) ماتعرفش إني باخد الأكل للعيال ؟!
دي لوعرفت كانت .. جابتلي البوليس ..
وقالت عليّ .. حرااااااااامي
وودتني .. في ستين داهيه ؟!!!
أصلها كل يوم تقولي : ــ
ودّي الأكل الفايض كلّه ..
لكلاب الحراسة
وحطّه في السرفيسات بتاعتهم ؟!!!
وطبعا الأكل الفايض بيبقي كتير جدا جدا ..
وأنا كنت بااوديه .. وتاني يوم ..ألاقي الكلاب دايسه عليه
وماأكلتش منه كتير وسابته كله مرمي علي الأرض ؟!!
مكان رجليها .. فكان بيصعب عليّ ..
إن ( عيالي مش بيدوقوا الأكل ده ولا بيشفوه )
( ولا هما ولا .. ولاد زمايلي )
اللي بيشتغلوا معايا في السرايا ؟!!!
وعشان كده رحت ) للشيخ )
اللي في الزاوية اللي قدام البيت وسألتــه ..
وجبت منه ( فتوي ) إنه بدام الأكل كتير
لدرجة إن الكلاب مش بتاكل
حتي ربعه وبتبوظ الباقي ( يبقي ولادنـا أولي ) باللي ..
( باقي من الكلاااااااااااااااااب )
ومن ساعتها بااعشي الكلاب وأشبعها
( )عشان الحُرمانية
وبااوزع باقي الأكل من ورا ( الهانم )
علّ أنا .. وزمايلي في السر!!!
ودلوقت ( عيالنا كلهم بياكلوا أحسن أكل )؟!!
وده مخليني في) منتهي السعااااااااااااادة)
وربنا يخلي ( كلاب الباشا ) اللي
ولادنا كلهم .. بياكلوا علي حسهم ؟؟؟!!!
ـــــــــــــــــــــــــــــــــــــــــــــــــــ
وإذا سألنا ( الشغّالة ) .. أظنها ( سترد ) قائلة : ـــ
**************************
أنا سعادتي إن ربنا .. يريحني ويتوب عليّ
من( الشقا في ( بيوت الخدمة
ويوعدني بإبن الحلال اللي (يسترني ) ..
إن شالله في ( أوضة ) يقفلها عليّ
وأفرشها ( بالشوار ) اللي (حوشته )
طول السنين اللي فاتت من شقايا وتعبي
( وأخلفلي حتتة ( عيل ) .. يجري ورايا طول النهار ؟!
ــــــــــــــــــــــــــــــــــــــــــــــ
وإذا سألنا ( الجنايني ) .. ممكن يقول : ــ
***********************
أنا سعادتي .. في ( الصحة والستر )
وإن ولادي ( ربنا يخليهـم ..يكبروا .. ويشتغلوا (
( ويعينوني ع المعيشة )
ويتجوزوا .. ويخلفوا .. ويبقوا ذي
الشجـــــــــرة المفرعـــــــة
اللي مليانه ثمر .. يعني نفسي أعيش لما أشوف
(أحفادي) يجروا .. ويلعبوا .. قدامي ..
وساعتها أبقي مش عايـــز
حاجه .. تانيه .. من ربنا ؟؟؟
ــــــــــــــــــــــــــــــــــــــــــــــــــ
وإذا سألنا ( المُربية ) .. فمن الممكن .. أن تقول: ـــ
*************************
والله أنا نفسي ربنا يقدرني ..
( آستر البنتين اللي فاضلين ) ..
وساعتها
(أبطل شغل ) .. (وأقعد في البيت ) ..
وبدال ماأربي ولاد النــاس ..
( أربي أحفادي ) ..
وياسلام .. ياسلام .. لو ربنا .. يكرمني .. بقي أخر كرم
( إني .. أعمل عمرة وأروح للحبيب النبي ) ..
طبعاً .. ده حلـــم
لكن .. مش كتير علي ..
ربنا .. أبداً .. قادر .. وغيره .. مايقدر ؟؟؟
ـــــــــــــــــــــــــــــــــــــــــــــــــــ
والآن .. أيها السادة ..
ــــــــــــــــــــــــــــــــــــــــــ
كانت هذه .. ألوان .. من أحلام ( البسطاء ) ..
وهم الطبقة .. التي كانت تسمي
( محدودة الدخل ) .. ولكنها .. لم تبقي هكذا طويلاً
بعد أن أحتلت هذه ( الصفة ) .. عناصر أخري ..
هي العمال .. والموظفين ..
والمحالين ( رغماً ) إلي المعاش المبكر
بفعل ( الخصخصة ) ؟!!!
وهذا مما أدي ..
إلي إطلاق .. لقب أخر .. علي مثل هذه الشرائــح
المذكوره .. عاليه .. وهي فئة .. ( معدومي الدخل ) ..
حيث أنهــم
عمّاله غير منتظمة .. وغير مؤمن عليها ..
بأي نوع من التأمين؟!!!
حتي ولو .. ( تأميناً صحياً ) فقط ؟!!!
كما أن .. عملهم .. مرتبط .. إرتباطاً وثيقاً
.. بالطاعة العمياء ..
والذلة .. والمسكنه .. والرضي .. بأي أمر ..
مهما كاااااااااااان .. ساحقاً وهادراً لكرامتهم
(حيث أن .. إستمرارهم في هذه الأعمال ..
يحكمه ..( مزاج
الهانم ـــ الباشا الكبير ـــ الست الصغيره ــ والباشا الصغير؟!!
وهم فئة ( الأثرياء ) .. الذين .. يرون .. للسعادة ..
ألواناً .. أخري؟!!
مارأيكم لو ( تعرفنا ) .. عليها ؟؟؟
………………………………..
هاهو إبن الباشا الكبير .. أو ( الباشا الصغير ) يرد مسرعا ..
*************************
أنا بصراحة .. ملول موووووووووت ..
( مودي طحن ) !!!
المزيد
ـــــــــــــــــــــــــــــــــــــــــــــــــــــــــ
التصنيفات : غير مصنف |
